Koronavirusi vazhdon që të shkaktojë viktima, ndërsa këtë herë i ka marrë jetën zyrtarit të Partisë Socialiste Ndue Ndocit.
Miq, kolegë dhe dashamirës të Ndocit kanë shkruar në lidhje me këtë ngjarje të rëndë.
Ulsi Manja shkruan në “Facebook” se Ndoci e done jetën, luftoi si burrat, duke thënë se në fund nuk ia doli dot.
“E deshe jetën dhe luftove deri në fund si burrat. Si duket, Zoti i do njerëzit e mirë pranë vetes. Lamtumirë miku im, Ndue Ndoci”, shkruan Manja.
Edhe fotografi i Kuvendit Agim Rama ka bërë një postim prekrës për ndarjen nga jeta të Ndocit.
“LAJM I ZI. Nuk qe e thënë që të pimë kafe, sit re miq të vjetër Ndue Ndoci.
Zoti të donte pranë tij, pa dëgjuar lutjet tona, që të dilje fitimtar ndaj Covid-19. Dyert e parajsës qofshin të hapura për ty, miku im”, shkruan Agim Rama.
Ndërsa, Ndoci është kujtuar edhe nga ish-drejtoresha e ARRSH-së Sonila Qato.
“Një lajm shumë i hidhur na pushtoi mbrëmjen e sotme! Një pjesë e miqve të mi të përbashkët dhe familjarët e tij humbëm me dhimbje një njeri shumë të dashur, një bashkëpunëtor dhe një koleg të cmuar, puna dhe vepra e të cilit ndoshta nuk u vu shumë në pah, por ne që kemi punuar krah tij e dijmë cfarë vlerash të rralla dhe cilësish njerëzore e profesinale gëzonte Ndue NDOCI mes nesh!
…Gjithmonë më dërgonte të fala dhe sa herë shiheshim pëqafoheshim…U prehsh në paqe Ndue! 🙏Ngushëllimet më të thella familjes së mikut tonë! 😞 I gjithë kolektivi i ATP do të të kujtojë me shumë dashuri dhe mirënjohje🌹”, shkruan Qato.
Ndërsa, në profilin e “Facebook” të Ndue Ndocit shumë miq dhe kolegë ngusëllojnë ndarjen e tij të parakohshme nga jeta.
