Një aksion i policisë nigeriane bëri të mundur shpëtimin e 19 grave shtatzëna.
Këto të fundit ishin pjesë e të ashtuquajturave, fabrikat e fëmijëve, shkruan “Tg com”.
Femrat ishin të moshave 15-28 vjeç dhe ishin rrëmbyer.
Ato liheshin shtatzënë me forcë dhe më pas fëmijët ua shisnin.
Foshnjet femra shiteshin 830 dollarë, ndërsa meshkujt 1400 dollarë.
Policia arrestoi dy femra, si pjesë të trafikut të qenieve njerëzore.
Të rejave fillimisht u ishte premtuar punë, por më pas dërgoheshin në Lagos dhe përdhunoheshin.
Njëra prej viktimave rrëfeu për një media lokale, se ishte mashtruar nga një grua, që i kishte premtuar punë.
Ajo tregoi gjithashtu se kishte kryer marrëdhënie seksuale me 7 meshkuj, përpara se të mbeste shtatzënë.
