Kompania amerikane Pfizer dhe ajo gjermane BioNTech, kanë deklaruar se është finalizuar me sukses vaksina e parë 90% efektive kundër Covid-19.
Shkencëtarët dhe prodhuesit e vaksinës, kanë treguar se finalizimi i kësaj pune kërkimore është një ditë e madhe për shkencën dhe njerëzimin.
Sipas analizave paraprake, kjo vaksinë mund t’i parandalojë mbi 90 për qind të njerëzve nga kontraktimi i virusit.
Vaksina e Pfizer dhe BionTech është testuar në 43.500 persona në gjashtë vende dhe pas testimit, vullnetarët kanë deklaruar se nuk kanë pasur asnjë shqetësim.
Pas testimeve të panumërta, dy kompanitë kanë vendosur që të aplikojnë për miratimin emergjent të vaksinës në fund të muajit.
Kujtojmë se deri më tani, dhjetëra kompani kanë publikuar vaksinat e tyre që kanë arritur deri në fazën finale të testimit, por vaksina e Pfizer dhe BionTech është e para që po tregon rezultate.
Vaksina mësohet se përdor një qasje eksperimentale, ku përfshihet injektimi i një pjese të kodit gjenetik të sars cov-2, për ta trajnuar në sistemin imunitar të njerëzve.
Sipas manualit të deklaruar nga kompanitë Pfizer dhe BioNTech, do të duhen dy doza të përdorimit të vaksinës, në mënyrë që të arrihen rezultatet.
Dozat mësohet se duhen injektuar me një diferencë kohore prej tri javësh, dhe, sipas kompanive farmaceutike, njerëzit do të krijojnë imunitet ndaj Covid, një javë pas dozës së dytë.
Ndërkohë vaksina deri tani është testuar në 6 vende, ku përfshihen Gjermania, Brazili, Argjentina, SHBA, Afrika e Jugut dhe Turqia.
Kompania amerikane Pfizer, ka deklaruar se me gjasë do të arrijë që të sigurojë 50 milionë doza deri në fund të këtij viti dhe rreth 1.3 miliardë të tilla, deri në fund të vitit 2021./Iconstyle.al/
