Pas kritikave të shumta në rrjetet sociale, është vendosur të hiqet shtatorja e komandantit legjendar të UÇK-së Adem Jashari, vetë, dy ditë pas vendosjes në një qendër tregtare në Prizren.
Ekipi menaxhues i qendrës tregtare ku u vendos shtatorja ka deklaruar se vepra e artit që miri kritika të shumta për mënyrën e realizimit, do të largohet ditën e nesërme.
Vendimi është marrë së bashku me familjen Jashari, të cilët kritikat i quajtën si konstruktive. Shtatorja do të dërgohet për rimodelim.
Sakaq, asgjë nuk është thënë deri tani për fatin e shtatores së Skënderbeut, një tjetër vepër arti e vendosur po në të njëjtën ditë në Prizren, dhe që gjithashtu u kritikua ashpër duke u cilësuar si punim shumë i dobët.
Prof. Ardian Isufi, dekan i Fakultetit të Arteve Pamore do të deklaronte një ditë më parë se “Ka një marrëzi estetike përsa i përket autorëve që i kanë realizuar, por ka edhe një marrëzi kolektive që lidhet me institucionet që i kanë pranuar ato momumente që janë bërë për pikë të hallit dhe për turp kombëtar përsa i përket anës estetike dhe historike.”
/GazetaReforma.com/
