SPAK u ka dërguar letërporosi të gjitha bankave të nivelit të dytë në Shqipëri dhe kërkon informacion për llogaritë e call centerave që veprojnë në vendin tonë. Nga hetuesit kërkohet informacion për transaksionet e dy viteve të fundit.
Dje, nga SPAK u bë me dije se ka nisur një hetim sekret për call centerat që veprojnë në Shqipëri, pasi kërkesa ka ardhur nga homologët gjermanë, sepse shumë shtetas të tyre kanë rënë pre e mashtrimeve dhe kanë humbur miliona euro.
Gjithashtu u është dërguar një kërkesë edhe tatimeve për bilancin e këtyre bizneseve. Po e njëjta kërkesë u është dërguar dhe kompanive telefonike për thirrjet e kryera ndaj numrave të huaj gjerman, holandez, italian dhe francez.
Mbi 1 mijë shtetas të huaj janë mashtruar, me vlera që shkojnë deri mbi 600 mijë euro investime në bursen e rreme për një person. Në total vlera e mashtrimeve shkon në miliona euro.
Nga hetimet paraprake paratë siç merren nga të huajt kalojnë në offshoret e call centerave.
Struktura e Posaçme kundër Krimit të Organizuar dhe Korrupsionit ka nisur hetime për disa qendra call-center.
Burimi nga Prokuroria e Posaçme bëjnë me dije se hetuesit e kësaj strukture janë duke hetuar disa kompani call-center me qendër në kryeqytet.
Janë mbi 10 kompani që dyshohet se kanë mashtruar me shuma të mëdha një numër të konsiderueshëm qytetarësh të Bashkimit Evropian. Hetimet e SPAK janë duke u kryer në kuadër të organizatës kriminal
