Në shtëpinë e dy motrave Zhaneta Metani dhe Kristina Bardhi ka ndodhur një konflikt disa ditë para vrasjes. Kjo ka dalë nga hetimet mbi të akuzuarin Përparim Ademi. Prokuroria, pasi ka pyetur dëshmitarë kyç dhe persona të përfshirë dhe që kanë dijeni për ngjarjen, ka mësuar se në drekën e Krishtlindjes tek shtëpia e Zhanetës ka pasur një debat dhe dy motrat ia kanë bërë të qartë Përparimit se duhet të ndërpriste marrëdhënien me to. Ishte hera e fundit që shkonte tek ato. Ai është larguar dhe deri një ditë para vrasje, domethënë më 30 dhjetor, nuk ka patur me komunikim dhe takim me to.
30 dhjetor në mëngjes ai ka shkuar poshtë pallatit të Zhanetës dhe aty e ka pritur në mëngjes herët kur ajo del për pune. Vetë përparimi ka treguar se e ka marrë Zhanetën dhe e ka futur në makinë duke e kërcënuar me thikë. Në Kërrabë të Tiranës sipas Ademit i ka kërkuar që të riktheheshin dhe të shkëputrej nga personi tjetër që dyshonte se kishte lidhje. Përparimi deklaron se një moment Zhaneta u duk sikur ka pranuar. Më pas kanë shkuar në Hotel.
Kujtojmë se dje Gjykata Penale ka caktuar “arrest me burg” për 59-vjeçarin Përparim Ademi, i cili ekzekutoi në vigjilje të Vitit të Ri me një breshëri plumbash motrat Zhaneta Metani dhe Kristina Bardhi.
/Gazetareforma.com/
