Agjentë të Byrosë Kombëtare të Hetimit po kryejnë disa kontrolle nëpër banesa në kuadër të hetimeve të nisura nga SPAK për inceneratorin e Tiranës.
Kontrollet po zhvillohen me urdhër të prokurorit Dritan Prençi. Ende nuk është bërë e ditur se në cilët persona po zhvillohen kontrollet, ndërsa kujtojmë se pak ditë më parë SPAK zgjati me 3 muaj hetimet për inceneratorin e Tiranës.
Operacioni i Prokurorisë së Posaçme Kundër Korrupsionit dhe Krimit të Organizuar (SPAK) nisi mbrëmjen e 8 dhjetorit ku u lëshuan 15 urdhër-arreste, mes tyre dhe dy biznesmenët e inceneratorëve Klodian Zoto dhe Mirel Mërtiri. Po ashtu urdhër-arresti u lëshua dhe për drejtorin e Shërbimeve Publike në Bashkinë e Tiranës, Taulant Tusha.
Arrest në burg u caktua për Lefter Kokën, Alqi Bllakon, Bledar Karolin, Taulant Tushëm e Namik Simixhiu. Ndërsa në “arrest shtëpie” u lanë Alba Thoma, Valbona Ballgjini, Sidita Temali, Pëllumb Abeshi, Etleva Kondi dhe Silena Tola.
