Gazetari Artan Hoxha ka zbuluar detaje të reja në lidhje me hetimet që po kryen Prokuroria e Posaçme Kundër Korrupsionit dhe Krimit të Organizuar, SPAK për kreun e Partisë së Lirisë Ilir Meta dhe bashkëshorten e tij Monika Kryemadhi. I ndalur tek çështja CEZ, Hoxha tha se bëhet fjalë për Rome Karaj dhe Elvis Mata, ky i fundit një person dikur i afërt i Metës, por sot mendohet se është dëshmitar i SPAK. Sipas gazetarit, Elvis Mata në kohën që ka dëshmuar është marrë në mbrojtje nga forcat RENEA. Hoxha u shopreh se Mata ka dhënë dy dëshmi në lidhje me dosjen CEZ, një në Tiranë dhe një në Vienë.
Artan Hoxha: SPAK-u ka intensifikuar veprimet, sepse ka edhe afate. Çështjet kanë ardhur drejt fundit. Nga 9 kallëzime, 6 janë refuzuar, 3 kanë mbetur në lojë. Në dy është Kryemadhi dhe Meta për CEZ DIA. Zoti Meta e nisi sulmin me SPAK, kryesisht me cështjen CEZ-DIA dhe me persona konkretë. Idenfitikoi, Romeo Karaj, një juristi që ka qenë drejtor në momentin e fundit të kompanisë DIA, kompanisë së Kastriot Ismailaj, e cila mblidhte borxhet e CEZ. Sulmi i Metës ndaj Romeo Kara dhe Elvis Matës, ish njeriu i afërt i tij, një nga drejtuesit e FRESH. Ky ka qenë njeri i afërt i Metës, drejtor ekzekutiv i kompanisë DIA. Me profesion është ekonomist. Ka qenë drejtues i disa filialeve të bankave të nivelit të dytë. Gjithë komunikimet e DIA, marrëveshjet, i ka patur Elvis Mata. Në momentin kur hetimet u intensifikuan, Elvis Mata u mor në mbrojtje nga RENEA. U vu nën presion, pati akuzë ndaj bashkëshortes së tij dhe u largua jashtë vendin, por ai ka dhënë dy dëshmi, një ne Vienë dhe deklarime të tjera që janë vënë në dispozicion të SPAK. Ai u arratis nga Shqipëria. Di që tani ka komunikuar me SPAK. Është njeri i lirë. Njeriu i tretë që akuzoi ishte bashkëshortja e Kastriot Ismailaj, që edhe ajo ka dhënë një dëshmi. Gjatë kësaj jave, SPAK ka vijuar të kryejë hetime, në lidhje me dokumentacionin, por ende nuk është drejtuar para një institucioni konkret për të marrë ndonjë masë sigurie. Për sa kohë që prokurori nuk shënon një emër, ka afat sa të dojë. Deri në këtë moment, emri i zotit Meta nuk është i regjistruar, por mund të zgjatet, si në rastin Berisha. Jemi para faktit që SPAK i ka të treja këto çështje. Zoti Meta ka sulmuar rëndë SPAK, por nuk shohim veprim konkret. SPAK nuk ka akuzë konkrete ndaj zotit Meta dhe po ashtu një akuzë konkrete ndaj zonjës Kryemadhi.
Dosja e “nxehtë” CEZ-DIA tashmë është rikthyer në SPAK. Afera CEZ-DIA, për mbledhjen e rreme të borxheve me faturat e papaguara nga abonentët nisi të zbatohej pas finalizimit të aferës të shitjes tek OSHEE tek CEZ nga qeveria e Berishës. Nuel Kalaj ishte sekseri mes CEZ dhe qeverisë së Berishës për privatizimin e 75 përqind të aksioneve të OSHEE nga çekët. Në negociata dyshohet se është përfshirë edhe djali i ish-kryeministrit Sali Berisha, Shkëlzen Berisha.
