Kreu i Tatimeve, Ceno Klosi po kalon në sitën e SPAK, i cili nisi hetimet ndaj tij pas 2 kallëzimeve penale të grupit parlamentar të PD-së. Mësohet se si pjesë e etimit ndaj Klosit janë sekuestruar edhe celularët e disa vartësve të tij për të zbërthyer bisedat e bëra me Klosin
Gjithashtu, SPAK ka sekuestruar dokumente te Tatimet që lidhen me vendimmarrjet e Klosit.
Ndaj Ceno Klosit ka nisur procedimi penal për akuzat “Korrupsioni pasiv i personave që ushtrojnë funksione publike ”, “Shpërdorimi i detyrës”, “Falsifikim i dokumenteve” dhe “Mashtrimi”.
Klosi ka punuar për 13 vite si specialist dhe drejtues sektorësh në banka të nivelit të dytë dhe më pas gjatë periudhës 2015-2021 ka mbajtur pozicionin si Drejtor i Departamentit Ekonomik në OSHEE.
Në qershor të 2021 u emërua Drejtor i Përgjithshëm i Agjencisë Kombëtare Ujësjellës- Kanalizime dhe Mbetjeve të ngurta, ndërsa me VKM 625, datë 22/10/2021 u emëruar drejtor i Përgjithshëm i Tatimeve.
