Kryeministri i Shqipërisë, Edi Rama, ka nxjerrë blof rivalin e tij politik, Lulzim Bashën, dhe Edmond Spahon. Me anë të një video-live, kryeministri bëri një bisedë telefonike me Niko Peleshin, ku kreu i qeverisë mori një raportim të situatës në qarkun e Korçës nga Peleshi. Ky i fundit i tha Ramës se Spaho po jep premtime që nuk i mban dot, ndërsa Rama ia ktheu: “Po, si ai tjetri (Lulzim Basha) që shkon në Kukës dhe thotë do të heqim traun”.
LEXO EDHE: “Si duken këta, PD dhe LSI? Rrugës jam, po vij”, zbardhet biseda mes Ramës dhe Peleshit
Por çfarë tha Edmond Spaho një javë më parë, kur Partia Demokratike ishte në Kukës për fushatë? “Prioriteti ynë, me ardhjen në pushtet nga vota e lirë e shqiptarëve, do të jetë heqja e taksës së Rrugës së Kombit, pasi kjo rrugë u ndërtua për të gjithë shqiptarët për një ekonomi më të zhvilluar dhe për të mos larguar banorët e Kukësit, Hasit dhe Tropojës”, ishte deklarata e Spahos. Gjithashtu, Spaho iu ka premtuar banorëve të qarkut Korçë edhe mbylljen e doganave që të shiten prodhimet vendase, si dhe subvencione në dorë për fermerët në bazë e prodhimit dhe sipas Peleshit, këto premtime të Spahos janë dhënë kot, pasi nuk mund të mbahen.
Gjithashtu, edhe Lulzim Basha iu premtoi qytetarëve kuksianë që do ta hiqte traun në tunelin e rrugës së kombit. Por a mund të hiqet ky tra nga PD në rast se vjen në pushtet? Ishte Partia Demokratike në pushtet kur u ndërtua rruga e kombit dhe për asnjë moment, nuk e bëri publik emrin e pronarit të kompanisë që mori përsipër ndërtimin e saj.
LEXO EDHE: “Premton gjëra që nuk bëhen”, biseda Peleshi-Rama, reagim i ashpër i Edmond Spahos
Ky pronar, ka vendosur traun pas tunelit të Kalimashit dhe çdo automjet, paguan 5 euro për kalimin. Këto para, merren pikërisht nga firma private për mirëmbajtjen e rrugës dhe prandaj, mund të thuhet se është thuajse e pamundur që ky tra të hiqet, ashtu siç premton PD-ja. E vetmja mënyrë që trau të hiqet, është që të prishet kontrata aktuale që shteti ka me kompaninë private, gjë që mund të çojë në humbjen e shifrave shumë të mëdha. Kjo ndoshta mund të jetë dhe arsyeja e videos së publikuar nga Edi Rama, për të demaskuar premtimet e dhëna kot nga rivalët e tij politikë.
https://www.facebook.com/edirama.al/videos/843305162920765
