Presidenti i vendit Ilir Meta, ka reaguar ashpër për ndërprerjen e vlefshmërisë së pasaportave për kombëtaren tonë të futbollit, duke e cilësuar këtë vendim si një hakmarrje primitive dhe të paprecedent. Sipas Metës është absurde të pengohet të mbajnë pasaportë kuqezinjtë që e futën Shqipërinë në Evropë dhe na bënë të gjithëve krenarë.
Më tej presidenti , ka shtuar se më 25 prill 2021 do të marrin fund koha e vendimeve autoritare, arrogante dhe përjashtuese. Ai ka thënë se ky vendim i Qeverisë në detyrë do të përmbyset dhe se nderimi për kuqezinjtë do të mbetet i pacenueshëm.
Reagimi i Presidentit Ilir Meta:
Vendimi i pabesë për ndërprerjen e vlefshmërisë së pasaportave për Kombëtaren tonë të futbollit është i paprecedent dhe një hakmarrje primitive, për shkak të qëndrimeve kritike të disa futbollistëve për sportin.Është absurde të pengohen të mbajnë pasaportë, kuqezinjtë, që e futën Shqipërinë në Europë dhe na bënë të gjithëve krenarë, ndërkohë që vazhdojnë ta mbajnë atë faqezinjtë, që na lanë jashtë Europës dhe që po na turpërojnë. Jam i bindur se më 25 prill 2021, do të përfundojë koha e vendimeve autoritare, arrogante dhe përjashtuese.
Ky vendim i Qeverisë ende në detyrë do të përmbyset dhe nderimi për kuqezinjtë, që na çuan në Europë do të mbetet i pacenuar. ⚽🇦🇱
https://www.facebook.com/ilirmetazyrtar/posts/3910547255658185
