Situata në spitalin e Krujës është normalizuar. Në spital janë paraqitur vetëm gjashtë raste ndërsa të shtruar nuk ka asnjë qytetar. Pjesa më e madhe e qytetit është furnizuar me ujë mbrëmjen e djeshme dhe sot në mëngjes, por jo për t’u pirë.
Institucionet e pushtetit vendor në Krujë janë në pritje të përgjigjes nga autoritetet për të dhënë urdhrin nëse uji duhet të pihet. Në një pjesë të qytetit vijon ndarja e ujit me autobotë ose qytetarët u drejtohen dyqaneve për ta blerë.
Ditën e sotme është paralajmëruar një protestë nga ana e banorëve për shkak të gjendjes në të cilën ndodhen. Nuk dihet ende se në çfarë ore dhe ku do të zhvillohet protesta e tyre.
Rikujtojmë se disa ditë më parë më shumë se 500 qytetarë të Krujës dhe rrethinave rrezultojnë të helmuar nga patogjenë ende të panjohur të marrë përmes ujit të pijshëm, ndërsa shifra e personave që kërkojnë asistencë mjekësore në spitalin bashkiak të qytetit shtohet nga ora në orë.
Simptomat e helmimit janë kryesisht crregullime gastrointerite si, diarre, të vjella dhe dhimbje koke pa temperaturë shoqëruese.
Në një prononcim të saj nga spitali i Krujës ku shoqërohej nga dy koleget Dhurata Çupi dhe Orjola Pampuri, debutetja demokrate deklaroi se po vuan familjarisht pasojat e helmimit masiv.
