Në spitalin e Krujës, prej dy ditësh janë paraqitur 320 persona , me shqetësime të ndryshme, ku simptomat kryesore janë diarre, të vjella, temperaturë dhe dhe dhimbje barku. Të sëmurët janë të moshave të ndryshme, nga fëmijë deri tek të moshuarit dhe janë nga të gjithë fshatrat e Krujës. Dyshimet e banorëve lidhen kryesisht me helmimin nga uji i pijshëm nga rrjeti i ujësjellësit, që në Krujë konsumohet masivisht.
Ministrja Manastirliu teksa vizitoi spitalin e Krujës tha se 370 persona kanë marrë trajtim në spital. Ndërkohë ministrja u shpreh se situata paraqitet e qetë dhe pa komplikacione.
Ajo e vendosi fokusin edhe tek hetimi, përgjatë fjalës së saj, duke thënë që të gjithë strukturat po hetojnë të gjitha pistat. ISHSH dhe ISHP janë duke investiguar dhe janë marrë monstrat e ujit dhe ushqimeve”
Si përfundim ajo tha që do ketë një rezultat të saktë pasi të jenë marrë përgjigjet e analizave.
“Situata paraqitet e qetë, pa komplikacione. Nga dita e dielë dhe deri sot 370 qytetarë kanë marrë shërbim në spital. Vetëm sot janë paraqitur 60 qytetarë që pas shërbimit janë nisur në shtëpi. Tani janë edhe disa pacientë të tjerë që po marrin shërbim në urgjencë, rreth 30 qytetarë, adoleshentë, fëmijë dhe të rritur. Sa i takon investigimit, të gjithë strukturat po hetojnë të gjitha pistat. ISHSH dhe ISHP janë duke investiguar. Janë marrë monstrat e ujit, ushqimeve. Hetimi epidemiologjik po bëhet në të gjithë aspektet. Po pyeten çfarë kanë konsumuar. Do të kemi një rezultat përfundimtar kur të kemi analizat. Afati është 24-72 orë”, u shpreh ministrja Orgerta Manastriliu.
