Arlen Hasanaj, banor i lagjes nr.4 të qytetit bregdetar, është shoqëruar si autor i dyshuar i vendosjes së lëndës eksplozive në shtëpinë e kreut të FSHF-së, Armand Duka.
Në identifikimin dhe kapjen e autorit te dyshuar të ngjarjes së rëndë që tronditi qytetin e Durrësit kanë ndihmuar kamërat e siggurisë, të cilat kanë kapur lëvizjet e autorit para, gjatë dhe pas vendosjes së eksplozivit.
Ndërkohë tashmë avokati i 34-vjeçarit Arlen Hasanaj hedh poshtë akuzat nga prokuroria.
Ai mohon se Hasanaj ka ndezur fitilin e tritolit në banesën e Dukës
Avokati Ilia tregoi itinerarin e lëvizjes së klientit të tij. Në orën 22:03, ai thotë se Hasanaj po parkonte makinën e tij dhe të bashkëshortes në banesën e tij. Në këtë mënyrë, ai e quan të pakuptimtë që një person të ketë qenë në 2 vende njëkohësisht. Ilia beson vendimi i sotëm i gjykatës së Durrësit tregoi se institucionet e drejtësisë po i nënshtrohen interesit përtej ligjit.
“Nga prova e sjellë nga vetë akuza, provohet që në ora 22:00 ka enë tek ura e Dajlanit. Në orën 22:02 hymë në rrotontën kryesore të qytetit të Durrësit. Në orën 22:03 parkon para shtëpisë së tij. Bëj me dije se në 22:03 pamjet fiksojnë autorin me fitilin. Në materialin që sjell organi i akuzës ka autorin e ngjarjes në ora 22:00 i fiksuar tek trotuari. Në orën 22:01 është i fiksuar poshtë tunelit të Në 22:06 autori fiksohet nga kamerat tek trotuari pasi ka kryer aktin final. Si mund të ishte njëkohësisht edhe nga hyrje në Durrës edhe tek shtëpia e Armand Dukës? Duket se kanë interesa përtej interesave ligjore. Ne themi ja prova Organi i akuzës në kushtet që ka kundërshti hedh idenë që kjo mund të jetë kryer në bashkëpunim dhe mund të kenë qenë dy autorë. Dhanë një vendim joligjor të radhës. Ka një interes që për fat të keq akuza dhe gjykata i janë nënshtruar këtij interesi. Nuk kanë marrë vendim për kryerjen e një eksperimenti. Ka një dallim të dukshëm pa qenë nevoja për eksperti. Ai është me tuta dhe kapuç. Nuk sillet asnjë provë që të provojë që ky mund të ketë pasur konflikt”, tha avokati Ilia.
Ndërkohë lidhur me pretendimet e policisë se Hasanaj është i dyshuari kryesor i vendosjes së tritolit në shtëpinë e Dukës për shkak të një djegieje në dorë, avokati pretendon se kjo nuk është djegie, por dëmtim i shkaktuar nga diça tjetër.
“Pretendojnë që nga kamerat autori është me doreeza, dhe këta kanë marrë mjekun ligjor që atë natë, që ndërkohë mjeku s’mund të bëjë kqyrje në zyrat e komisariateve të policisë por bën vetëm pranë mjekësisë ligjore, ku ta thërrasin atje personin në se ka dyshime për atë që pretendojnë se ka gjurmë s’ka gjurmë djegie fare, është dëmtim i shkaktuar me dicka tjetër”, bëri me dije avokati Ilia Ilia.
Në fund, Ilia Ilia premtoi se do të vazhdojë beteja me drejtësinë për të liruar klientin e tij deri në fund. Ai beson se kjo fasadë do të rrëzohet së shpejti.
“Do ndjekim rrugën ligjore të ankimit se s’ka rrugë tjetër, aty ku po katandiset drejtësia jonë ku ashpërsia njehsohet me dhënien e drejtësisë nuk kam ndonjë besim. Unë kam besim se gjithë kjo fasadë do mbarojë kur të vijë rezultatet e analizave”, përfundoi avokati i Arlen Hasanajt, Ilia Ilia.
