Dita e sotme shënon një ngjarje historike për vendin tonë, pasi më në fund janë hapur negociatat e integrimit me Bashkimin Europian.
Ndërkohë ka reaguar edhe ish-kryetarja e Kuvendit Jozefina Topalli, ku me anë të një postimi në “Facebook”, shoqëruar me një deklaratë të saj të bërë kur drejtonte Kuvendin, Topalli shkruan se Shqipëria e pagoi me 10 vite vonesë hapjen e negociatave, pasi para 10 vitesh Evropa i kishte vendosur kusht Shqipërisë që të votonte 3 ligje, por opozita e asaj kohe (PS) nuk pranoi.
“Gjate gjithe ketyre viteve kam menduar se si per tekat ose pa aftesine e politikaneve vendi mund te rreshqase aty ku nuk mund te mendohet.
10 vite me pare , EU i kishte vendosur kusht Shqiperise , qe te votonte 3 ligje. Keta kerkonin 84 vota, dmth pa voten e opozites nuk kalonte.
Opozita e asaj kohe nuk pranoi, duke shpikur justifikime qesharake.
Shqiperia e pagoi me 10 vite vonese hapjen e negociatave.
( ky eshte vetem nje rast)”, shkruan Tooalli në postimin e saj.
Kujtojmë që 16 vite më parë, Shqipëria firmosi Marrëveshjen e Stabilizim-Asocimit, ndërsa në qershor të vitit 2014, Shqipëria mori statusin e vendit kandidat për në BE.
Në marsin e vitit 2020, Këshilli Europian vendosi të hapë negociatat për anëtarësimin e Shqipërisë në union. Sot (19 korrik) me mbajtjen e konferencës së parë ndërqeveritare nis zyrtarisht çelja e negociatave.
