Teksa u hap gara për ndërtimin e aksit rrugor Milot-Fier, ministrja e e Infrastrukturës Belinda Balluku ka prezantuar sot me detaje projektin. Balluku shprehet se të gjitha segmentet e aksit rrugor që do të ndërtohet do të jenë të shoqëruara me rrugë dytësore. Gjithashtu ajo bëri të ditus se në aksin kryesor me pagesë shpejtësia e lejuar do të jetë nga 90-130 km.
“Nuk ka qenë një zgjedhje e lehtë për ne. Por do të ishte më mirë që ta zhvillonim në një moment të dytë. Nga Milori deri në Fier kemi vendosur ta segmentojmë. Milot, Thumanë, Kashar Lekaj e Rrogozhinë she më pas Lekaj-Fier do të jenë akset përbërëse.
Për aksi Thumanë Kashar ka nisur ndërtimi. Të gjithë segmente do të ruajnë parimet kryesore. Të gjitha segmente do të jenë të shoqëruara edhe nga një rrugë dytësore. Shpejtësia e lejuar në aksin kryesor me pagesë do të jenë nga 90-130 km. Zhvillimi i këtij projekti ka synime. Rritja e ndjeshme e punësimit, kushte më të sigurta të drejtimit, kosto më e ulët e transportit, rritja e turizmit përmes shkurtimit të distancave. Do të ketë ndikim të ndjeshëm në tregtinë e jashtme të vendit.
Ne tani kemi një përvojë të mirë në ndërtimin e infrastrukturës rrugore. Kemi përfunduar rrugë që qëndronin rrugëve”, tha ministrja.
Balluku tha më tej se duke qenë se autostrada është e segmentuar do t’i japë mundësi të marrin pjesë në garë shumë kompanive, duke shprehur bindjen se do të jetë e suksesshme.
“Edhe kjo garë tashmë duke qenë e segmentuar dhe duke e hapur mundësinë për shumë kompani, jam e sigurt që kjo garë do të jetë e suksesshme. Është një objektiv mjaft sfidues, por qeveria është mësuar me sfida të tilla”, tha ajo.
