Grupi i hakerave iranianë sërish janë “aktivizuar” duke publikuar të dhëna të reja që lidhen me makinat që qarkullojnë në Shqipëri.
Të dhëna të marra nga sistemet shqiptare janë bërë publike, bëhet fjalë për databazën e makinave shqiptare, të publikuara mbrëmjen e sotme grupi “Homeland Justice” Në databazën e publikuar të makinave shqiptare, është lista e automjeteve shqiptare, shasia e makinës, lloji, targa dhe emrër, mbiemrin e qytetarëve të cilën i kanë në pronësi dhe njësinë ku ata banojnë.
Në dokument janë bërë të ditura, targat, modeli i automjetit, tipi, ngjyra e tij, numri i shasisë dhe emrin e personit që e ka në pronësi.
Para disa ditësh hakerat iranianë kanë zbardhur të gjitha hyrjet dhe daljet e kryeministrit shqiptar Edi Rama, i cili ka udhëtuar vetëm përmes aeroportit të Rinasit. Vlen të theksojmë se teksa kryeministri Rama disa ditë më parë “siguroi” shqiptarët se të dhënat e tyre janë të sigurta, si për ironi sot “dolën sheshit” informacionet e tij. Disa javë më parë “Homeland Justice” nxori të dhënat e ish-kreut të SHISH, Helidon Bendo dhe bashkëshortes së tij. Ata kanë publikuar edhe hyrje-daljet e saj nga Shqipëria. Në dokumente shihet sa herë gruaja e ish-kreut të SHISH e ka kaluar kufirin shqiptar, nga cila pikë kufitare ka dalë dhe me çfarë mjeti ka udhëtuar.
