Ditën e djeshme u publikuan të dhënat që janë marrë në një nga sistemet e goditura nga hakerat, ai “MEMEX”, ku janë listuar të gjithë të kërkuarit nga Policia e Shqipërisë.
Theksojmë se “MEMEX” njihet edhe si Sistemi i Menaxhimit të Informacionit Kriminal dhe është mjeti kryesore në punën e Policisë së Shtetit. “MEMEX” mban të dhëna sekrete të policisë mbi çdo eksponent kriminal.
Por sigurisht nuk kishin si të mungonin pjesë e listës figura të rëndësishmë të politikës.Në listën e të proceduarve rezulton edhe ministri i Mbrojtjes, Niko Peleshi, i cili e mban këtë post që prej janarit 2021.
Nuk dihet arsyeja përse Peleshi shfaqet në listën e sistemit “Memex” dhe konkretisht përse është skeduar nga policia.
Ndërkohë që në listën e publikuar nga hakerat iranianë, të nxjerrë nga sistemi i Policisë së Shtetit bashkë me email-et e ish-kryepolicit Gledis Nano, ndodhet edhe emri i Elisa Spiropalit, si dhe ish-ministres së Mbrojtjes, Mimi Kodheli.
Një ditë më parë kryeministri Edi Rama e ka konsideruar matrialin që ka dalë nga “MEMEX” si fotomontazh dhe deklaroi se asnjë sulm nga hakerat iranianë nuk ka mundur të depërtojë në sisteme.
Gjithashtu burimet zyrtare policore instistojnë që lista që hakerat pretendojnë të kenë publikuar nuk ka lidhje me databazën e sistemit policor “MEMEX”. Edhe pse sulmi kibernetik ka bërë “hapa pas”, tashmë po vazhdojnë të “dalin sheshit” të dhëna që janë marrë nga sistemet e goditura./Gazeta Reforma
