Në seancën e sotme plenare, deputetja Rudina Hajdari duket e vendosur në rregullimin e sistemit zgjedhor.
Hajdari nga foltorja ka thënë se amendimet kryesore që do të ndërmarrë grupi parlamentar që ajo drejton , ka si pikër kryesore ndryshimin e sistemit.
“Do kemi disa amendime. Amendimi kryesor ka të bëjë me ndryshimin e sistemit, kjo është një arritje për opozitën dhe gjithë vend. Ju siguroj që gjatë mandatit të këtij komisioni do t’i arrijmë të gjitha objektivat që kemi rënë dakord me Grupin e mazhorancës.
Përtej adresimit të rekomandimeve të OSBE-ODIHR, kemi për të garantuar një proces të rregullt zgjedhor dhe do marrim masat e duhura për listat zgjedhore, ky është një projekt me ambicie të lartë, por ky është objektivi kryesor. Sa herë që bëjmë zgjedhje ne kontestojmë rezultatin, duhet t’i garantojmë qytetarëve shqiptarë zgjedhje të lira dhe të ndershme. Ndryshimi i sistemit është parësor.
Do hartojmë planet në ditët në vijim dhe jam mirënjohese grupit që ma dha mundësinë për t’i kryesuar. Falenderoj edhe kryetarin e Grupit Parlamentar të Pavarur.”-u shpreh Hajdari.
