Sot zhvillohen ndeshjen e fazës të tretë të grupeve B dhe C. Nga ora 18:00 zhvillohet ndeshjet e Grupit C, Holanda që e ka siguruar kualifikimin do përballet me Maqedoninë e Veriut që është në prag të eliminimit.
Ndeshja tjetër e Grupit C do të zhvillohet mes Ukrainës dhe Austrisë. Të dyja skuadrat synojnë fitore që ta sigurojnë vendin e dytë dhe kualifikimin në fazën tjetër.
Pas dy ndeshjeve të para, renditja është e tillë: Holanda është në vend të parë me pikë të plota, me gjashtë të grumbulluara pas dy fitoresh. Në vend të dytë, renditet Ukraina me 3 pikë. Djemtë e Shevchenkos kanë pësuar një humbje dhe kanë marrë një fitore, me golavarazh 4-4. Në vend të tretë, po me 3 pikë, renditet Austria. Prandaj sfida direkte mes këtyre dy ekipeve do të vendosë dhe fatet se kush kualifikohet në vend të dytë.
Ndërsa në vend të fundit, renditet Maqedonia e Veriut, pa asnjë pikë dhe jashtë çdo objektivi, pasi nuk ka shanse që të kualifikohet në fazën tjetër edhe nëse mposht Holandën. Pra, sfida mes Maqedonisë së Veriut dhe Holandës, do të jetë më shumë si një miqësore, ndërsa Austria dhe Ukraina, do të përplasen në një finale për të dyja ekipet.
