Ditën e sotme një ngajrje e rëndë ka ndodhur në Durrës ku gruaja 74-vjeçare ka goditur me sende të forta bashkëshortin e saj, i cili i është përgjigjur gjithashtu me sjellje të dhunshme.
Si pasojë të dy kanë përfunduar me plagë të rënda në spital.
Ndërkohë që një fqinje e tyre ka treguar për “Top Channel” se 74-vjeçarja Nasije Stafa dhe 78 vjeçari Ahmet Stafa kishin konfklikte për shkak të një prone. Ajo tregoi se ata nuk ishin në gjendje të mirë shëndetësore, madje mezi lëviznin.
“Janë pronarë të këtij trualli këtu. Kishin marrë një hyrje këtu. Ça të them, nuk kanë pasur konflikte më parë, vetëm tani. Të dy ishin sëmurë, ai mezi lëvizte, kjo mezi ecte. Unë tani e mora vesh, që Meti me Nasien janë zënë. Mirë nuk është konfklikti në këtë moshë. Duhet t’i mbanin afërt edhe ata të afërmit. Kanë dy fëmijë, një djalë i vdiq në aksident”- shprehet fqinja.
78-vjeçari dhe bashkëshortja e tij, Asije Stafa, 74-vjeç, pas një konflikti për motive të dobëta, kanë goditur njëri-tjetrin me sende dhe objekte të forta, thuhet në njoftimin e policisë. “Rreth orës 10:40, në lagjen nr.11, Durrës, shtetasit A. S., 78 vjeç dhe A. S., 74 vjeçe (bashkëshortë), pas një konflikti për motive të dobëta, kanë goditur njëri-tjetrin me sende dhe objekte të forta. Për pasojë, të dy këta shtetas ndodhen në spital, nën kujdesin e mjekëve”, njoftoi policia.
