Së fundmi në rrjetet sociale gazetarja Klodiana Lala ka publikuar një foto ku po hapen themele për një ndërtesë pranë burgut 313. Lala shkruan se punimet janë shumë afër me themelet e burgut dhe sipas saj nuk do të ishte çudi e madhe në qoftë se ndonjë ditë do të arratisej prej aty ndonjë i dënuar me rrezikshmëri të lartë.
Më tej Lala shkruan se babëzia në vendin tonë nuk ka fund dhe se situata sa po vjen edhe po bëhet më keq, pasi po zaptohet çdo centimetër tokë e mundshme. Ndërtimet pa kriter thotë Lala po kthehen në problem pasi nuk po lënë asnjë hapësirë të gjelbër për të luajtur fëmijët. Në përfundim gazetarja sqaron se fotoja është bërë nga ndërtesa e Gjykatës së Tiranë.
“Kjo gropa është hapur në themelet e burgut 313. Prisni ndonjë ditë kur të nxjerrë kokën ndonjë i dënuar. Një tunel dhe fap del në liri ndonjë vrasës apo grabitës i dhunshëm.
Babëzia këtu ska fund. Si mundet me u zaptu cdo cm tokë. Po si nuk latë një pëllembe vend për femijet që të kenë mundësinë të luajne në një park të gjelberuar? Na moret frymën nga betoni…
Foto bërë nga kati i 3 i gjykatës së Tiranës (dhoma penale)”-shkruan Klodiana Lala.
