Situata e rënduar me viroza dhe grip është në thuajse të gjitha ambientet spitalore të vendit e jo vetëm por sipas mjekëve, shumë raste mund të menaxhohen në shtëpi, pa shkuar në spitale. Mjekja pediatre Lulieta Serbo, dhe mjeku i spitalit “Shefqet Ndroqi” Arben Tanka, të ftuar në rubrikën “Opinion” në News24, kanë evidentuar simptomat e këtij virusi dhe se kur udhët të shqetësohemi. Ata thanë se shenjat e para janë temperaturë 3 deri në 4 ditë, kollë dhe dhimbje kyçesh e muskujsh, por të gjitha këto futen në simptoma normale dhe se nuk ka vend për t’u shqetësuar. Sipas mjekëve, nëse temperatura vijon për më shumë ditë dhe kolla kthehet me sekrecione dhe shoqërohet me dhimbje krahasori, atëherë duhet bërë kontroll fillimisht tek mjeku i familjes.
“Janë shifra të një virozë dhe janë në kushte normale, por ky vit ka të veçantë që vesh se janë disa viruse në qarkullim, janë dhe rinoviruset, pra një kokteil virusesh. Aktualisht në pediatri ne kemi filluar të ndjejmë komplikacionet e këtyre viruseve. Simptomat e këtij gripi tek fëmijët, gastrointestinale, mund të kenë edhe pak kollë. Komplikacionet respiratorë janë kryesoret, fëmija mezi merr frymë, mund të kenë një kollë lodhëse, që dhe të detyrojë ata të drejtohen tek mjekët. emperatura e lartë mund të jetë e virozës por edhe e komplikacioneve. Nuk duhen përdorur antibiotikë në ditët e para nëse nuk ka komplikacione”, u shpreh Serbo.
