Paraditen e sotme Grida Duma ka dhënë dorëheqjen nga mandati i saj si deputete, gjë të cilën e bëri të ditur në një dalje për mediat nga Kryesia e Kuvendit.
Ndërkohë që lajmi është pritur me shumë emocion nga ana e disa prej deputetëve të Partisë Demokratike. Kolegët e saj Agron Gjekmarkaj dhe Flutura Açka, kanë qenë duke e ndjekur live fjalimin e Dumës në momentin që ajo po njoftonte largimin nga politika.
Siç shihet edhe në fotot e LSA shihet Gjekmarkaj mjaft i mërzitur dhe me kokën ulur, ndërkohë që deputetja Açka ka shpërthyer në lot.
Ndërkohë nuk kanë munguar as përqafimet mes Dumës dhe kolegëve të saj.
Vlen të theksojmë se Grida Duma u shpreh se sipas saj ky është vendimi i duhur në një kontekst ku është sulmuar personalisht nga hienat me intriga të pacipta. Duma thekson që e ka ditur që në fillim se përfshirja në politikë do të kishte kosto, por nuk e kishte parashikuar se do të ishte në këto nivele, ku edhe djali i saj i ka ndjerë sulmet që i janë adresuar asaj.
Në fund të fjalës së saj, Grida Duma e përsëriti disa herë se është e djathtë dhe do të mbetet e djathtë.
