Rritja e rasteve të reja me koronavirus gjatë ditëve të fundit e ka shtyrë shtetin grek që të rishikojë edhe njëherë masat parandaluese të përhapjes së virusit.
Për këtë Greqia ka vendosur që të shtyjë përsëri lehtësimin e masave dhe hapjen e kufijve me Shqipërinë, i cili ishte shtyrë edhe për dy javë të tjera deri me 11 shtator.
Në vendim thuhet se Greqia ka vendosur që të mbajë të mbyllur kufirin edhe me Maqedoninë e Veriut, dhe do të lejohet të hyjnë vetëm kategoritë e paracaktuara me test tamponi negativ ndaj COVID-19 me vete si dhe aplikimin PFL.
Ishte vetë zv.ministri Nikos Hardalias i cili tha se kufijtë tokësore dhe ajror me Shqipërinë do të vijojnë të jenë të mbyllur deri me 11 shtator.
Ndërkohë sa i përket fluturimeve, edhe për kategoritë e caktuara të lejuara do të ketë kontrolle paraprake për gjendjen e tyre me apo pa COVID-19.
