Greqia ka nxjerrë urdhrin e ri për shtyrjen e datës së hapjes së kufirit me vendin tonë. Afati i vendosur ishte deri në datën 18 prill ndërkohë që ditën e sotme është njoftuar se afati shtyhet deri më datë 26 prill. Autoritet e Policisë Greke, në vijim të masave të marra nga qeveria greke, për përballimin e situatës së krijuar nga pandemia globale COVID-19, kanë njoftuar që shtyhet afati i hapjes së kufirit me vendin tonë. Policia njofton se deri në këtë datë , dalja nga Shqipëria dhe hyrja drejt Greqisë nëpërmjet pikës kufitare të Kapshticës do të jetë e mbyllur. Ndërsa dalja nga Greqia dhe hyrja drejt vendit tonë do të jetë e hapur për çfarë do lloj kategorie, do të jetë e lejuar nga ora 06:00 deri në orën 22:00.
Njoftimi i plotë
Autoritetet e Policisë Greke, në vijim të masave të marra nga qeveria greke mbi përballimin e situatës së krijuar për shkak të pandemisë COVID-19, kanë njoftuar palën shqiptare për shtyrjen e afatit të bllokimit të Pikës së Kalimit Kufitar Kapshticë, deri në datën 26.04.2021.”
Sipas policisë deri në këtë datë, dalja nga Shqipëria dhe hyrja drejt Greqisë nëpërmjet kësaj pike kalimi, vijon të jetë e mbyllur.
Ndërsa dalja nga Greqia dhe hyrja drejt vendit tonë, do të jetë e lejuar nga ora 06:00 deri në orën 22:00, për të gjithë shtetasit dhe kategoritë e mjeteve.
