Ashtu siç ishte parashikuar nga BE-ja, sot ka nisur vaksinimi kundër koronavirusit edhe në Greqi.
E para që ka bërë vaksinën Pfizer/BioNTech, është një infermiere në Athinë, Efstathia Kampisiouli e cila shërben në spitalin Evangelismos.
Ministri i Shëndetësisë, Vassilis Kikilias ka shkuar vetë në spital sot për të ndjekur nga afër momentin kyç të nisjes së vaksinimit anti-vocid, e cila shihet si një shpëtim nga pandemia.
Ndërkohë pas infermieres, radhën për ta bërë vaksinën e pati edhe Presidentja e Greqisë, Catherine Sakellaropoulou në po të njëjtin spital, teksa 30 minuta më vonë kryeministri grek, Kyriakos Mitsotakis e bëri vaksinën anti-covid në spitalin ”Attikon”.
Kujtojmë se në të gjitha vendet e BE-së, në mënyrë uniforme ka nisur vaksinimi masiv, fillimisht për personelin shëndetësor dhe personat me detyra të rëndësishme kryesisht qeveritare dhe më pas për kategorinë e policiëve dhe me radhë me të gjithë qytetarët.
Greqia po ndërmerr këto doza për shkak se është vend anëtar i BE-së, dhe të gjithë vendet e unionit tashmë kanë nisur vaksinimin anti-covid.
Pas ditës së sotme, do të vijojë vaksinimi edhe në spitalet e rajoneve të tjera. Deri më 30 dhjetor, në Greqi pritet të mbërrijnë edhe 83850 vaksina nga Pfizer. Deri në fund të marsit, Greqia do të marrë më shumë se 1,2 milionë doza nga kompania Pfizer-BioNTech./Gazetareforma.com/
