Deklarata e ditës së sotme e kryeministrit grek Kyrakos Mitsotakis, se Greqia do të sigurojë 12 milje edhe në detin Jon duket se ka ngjallur shumë reagime te ndjekësit e kryeministrit Edi Rama në Facebook.
Në një postim të kryeministrit një ndjekës i ka shkruar se nëse iu falën ujërat e detit Jon Greqisë dhe kreu i shtetit i është përgjigjur duke i thënë se nuk falen tokat ashtu siç falen rrobat.
Komentuesi: Ujërat detare të Shqipërisë ja fale Greqisë?
Rama: te rrofte Skenderbeu ne balle kur ne koke ke Saliun dhe flet per “falje detesh” sikur flet per falje rrobash! Hajde shqipe hajde! Nuk falen detet e tokat si rroba o mik, prandaj para se te flasesh per tema te tilla, ulu lexo, rri degjo, informohu e pastaj shprehu dhe ruhu nga genjeshtrat e medha se po te kapen ne gjume, i hengre e ike ne drejtim te paditur!
Ky nuk është ende një reagim zyrtar nga ana e kryeminstrit Rama, por përgjigjia për grekët duket se u dha. Kryeministri grek tha sot nga parlamenti grek se asgjë nuk i ndalon që të zgjerojnë kufijtë e Greqisë.
Mitsotakis bëri me dije se për këtë është informuar edhe ministri i Jashtëm Nikos Dendias, ndërsa shton se ai do të zhvillojë shumë shpejt një vizitë në Tiranë.
“Ne po e rrisim Greqinë! Do të sigurojnë 12 milje edhe në detin Jon sipas të gjitha konventave ndërkombëtare. Asgjë s’na pengon neve që të arrijmë këtë.Do të respektojmë konventat ndërkombëtare dhe do të aplikojm standardin e ndajres në mënyrë të barabartë të detit kur distanca mes dy shteteve është më e ulët se 24 milje“, u shpreh Mitsotakis.
