Brenda një jave në Greqi janë arestuar 2 shqiptarë, pasi akuzohen për kërcënim të miturash me fotografi nudo.
Edi Jaupllari, lindur në Pire në 5 tetor 1996, u arrestua në 23 Janar 2019, në Pire për përdhunimin e të miturës, një greke 16 vjeçe, si dhe kërcënim në vazhdimësi.
Ai e kishte njohur të miturën në internet në Badoo, kishin lënë takim ku e përdhunoi, ndërsa më tej e kërcënonte se do publikonte foto dhe video nga takimi në internet.
Por, e mitura lajmëroi policinë, e cila arrestoi 23-vjeçarin, dhe sot u publikuan të dhënat për të mbledhur informacion nga aktiviteti i mëparshëm.
Po ashtu, një tjetër shqiptar, 22-vjeçar, është arrestuar 2 ditë më parë në Mesinia, nga policia e Kalamatas. Në të njëjtën lojë interneti, Badoo u njohën me një 14-vjeçare, të cilës i kërkoi foto nudo. Më pas, fotot i shpërndau përmes një 16-vjeçari grek, i cili nuk u arrestua pasi kishte fshirë gjithë materialin, gjatë kontrollit policor.
14-vjeçarja i la takim për të plotësuar kërkesat e 22-vjeçarit, ku shkoi bashkë me policinë. Të dhënat e 22-vjeçarit nuk janë publikuar akoma nga policia greke.
