Rindezja e konfliktit ndëretnik mes Armenisë dhe Azerbajxhanit dhe lufta që nisi mes dy shteteve, ngritën edhe një herë shqetësimin në Ballkan në lidhje me konfliktet etnike të pa konfiguruara ende.
Rasti më flagrant është ai mes Kosovës dhe Serbisë, ku kjo e fundit mban ende të ndezur shpresën për rimarrjen e ish-republikës që fitoi pavarësinë pas luftës së vitit 1998.
Madje për këtë çështje, kohët e fundit edhe Presidenti i Serbisë, Aleksandër Vuçiç, u shpreh se konfliktet e pazgjidhura mund të rindizen edhe në Ballkan, duke e krahasuar duke e krahasuar çështjen e Kosovës me atë në konfliktit azero-armen.
Por serbët, duket se kanë harruar që bombardimet dhe luftën e Kosovës e patën jo vetëm me kosovarët, por edhe me NATO-n dhe SHBA-të.
Është pikërisht presidenti i këtyre të fundit, Donald Trump, i cili do të angazhohet personalisht edhe për normalizim të raporteve politike mes Kosovës dhe Serbisë, duke qenë se tashmë raportet ekonomike mes dy palëve janë normalizuar.
Lajmin e madh për këtë çështje e ka dhënë sot i dërguari i posaçëm i Presidentit Trump për dialogun mes Kosovës dhe Serbisë, Richard Grenell.
Ky i fundit, është shprehur se “Presidenti amerikan, Donald Trump do të angazhohet edhe për normalizim të raporteve politike mes Kosovës dhe Serbisë, duke qenë se tashmë raportet ekonomike mes dy palëve janë normalizuar.
Fillimisht do të krijohen kushtet për progres në ekonomi në rajonin e Ballkanit Perëndimor, më pas do të merret edhe me çështjet politike”.
Sipas mediave, këtë deklaratë Grenell e ka dhënë gjatë një debati që ka pasur më një organizatë të serbëve, që jetojnë në Shtetet e Bashkuara të Amerikës.
Deklarata vjen pas zhvillimeve të 4 shtatorit në Washington, ku Kosova dhe Serbia nënshkruan marrëveshjen për normalizim të raporteve ekonomike.
/GazetaReforma.com/
