Gratë naftëtare gjenden në ditën e 8-të të grevës së urisë, ndërsa sot si kanë përcjellë një mesazh tjetër kryeministrit Rama.
Gratë propozojnë të ngrihet një grup negociator dhe të bisedojë, ndërsa shprehen se kanë besim se Rama do e zgjidhë situatën e tyre. Më tej ato thonë se duan vetëm pagat e fituara me gjyq dhe nuk u intereson më uzina e naftës në Ballsh.
”Le të ngrihet një grup negociator e të vijë të bisedojë. Ne duam zgjidhje. Kemi besim tek kryeministri Rama se do ta zgjidhë situatën. Duam pagat e fituara me gjyq, pastaj të bëjnë ç’të duan me uzinën.
Jemi të lodhura e të semurë. Ditë e natë këtu, është lodhje e madhe por s’kemi rrugëzgjidhje tjetër. Vetëm kryeministri mund të na japë zgjidhje.”- tha njëra prej grevisteve.
Nga ana tjetër grevistet sërish këmbëngulin se do i qëndrojnë deri në fund kërkesave fillestare të tyre dhe nuk gënjehen me premtime boshe të kryeministrit.
/GazetaReforma.com/
