Krimet e Rënda kanë bërë një kërkesë drejtuar bankave që dorëzuan paratë me destinacion Vjenën, për të ditur zyrtarisht sesa është shuma e grabitur më 9 prill në aeroportin Rinasit.
Kujtojmë që shuma e grabitur, e njoftuar deri tani për mediat, është rreth 6.5 milionë euro, një shumë e cila nuk është zyrtarizuar ende.
Mësohet se Policia e Shtetit ka marrë kontrollin brenda aeroportit, e ndërkohë që ushtarakët e Forcave të Armatosura, janë vendosur në Rinas jashtë perimetrit të aeroportit.
Në marrëveshje me kocesionarin ICTS, policia nuk mund të hyjë brenda aeroportit për të patrulluar, por siç theksohet, tashmë janë vendosur Forcat e Ndërhyrjes së Shpejtë, të cilat do të patrullojnë të gjithë zonën e pistës së aeroportit.
Ndërkohë theksohet se në zyrën e kamerave do të pozicionohen dhe dy punonjës të Policisë Kufitare të Rinasit, që do të survejojnë kamerat, në mënyrë që siguria e aeroportit të vetëm kombëtar të jetë e garantuar. Përsa i përket hetimeve, prokuroria javës që vjen do të marr në pyetje zyrtarë të aeroportit.
