Hetimet për grabitjen në Rinasit të ndodhur në 9 prill të këtij viti, ende nuk kanë përfunduar.
Prokuroria e Krimeve të Rënda, ditën e sotme ka zbuluar edhe mekanizmin sesi arriti Admir Murataj me grupin që të merrnin thasët me miliona euro në aeroportin e Rinasit.
Hasan Kanaçi, shefi i kargos ka ndryshuar radhën e ngarkesave. Më 9 prill pasi u futën thasët me para dera mbeti hapur. Sipas procedurës që duhej të ndiqej, paratë duhet të futeshin në fund dhe të mbyllej menjëherë dera e avionit.
Nga pamjet e grabitjes së 9 prillit është parë se në momentin kur futen thasët me para, dera nga krahu tjetër rri e hapur.
Kjo siç duket ka ndihmuar Muratajn dhe Klement Çalën për të mos patur asnjë vështirësi në marrjen e parave.
Për këtë arsye gjykata e ka lënë në burg Hasan Kanaçin. Gjithashtu ndaj tij ka nisur edhe hetimi pasuror.
