Ditën e djeshme një ngjarje e pazakontë ka ndodhur në Sarandë ku një majmun ka kapur me shpulla policët bashkiakë.
Bëhet me dije se majmuni është blerë nga një biznesmen në Sarandë, i cili e mban në shtëpinë e tij.
Ngjarja nisi nga një telefonatë alarmante në polici, ku raportohej se ishte parë një krijesë që dukej si ari dhe kërkohej ndërhyrja. Policët bashkiakë shkuan që të kapin një majmun të dalë nga kafazi i një subjekti privat në zonë, por u vendosën me ‘shpatulla pas murit’.
Majmuni që rrinte në kafazin e një hoteli në zonë, është nxjerrë nga i zoti për të shlodhur këmbët duke bërë një xhiro përreth biznesit. Gjithçka ka ndodhur brenda pak minutash dhe ndërhyrjes së të zotit të majmumit situata është marrë nën kontroll. Pas zhurmës së krijuar ka ndërhyrë i zoti i majmunit që ishte aty pranë duke e qetësuar dhe dhe rifutur në kafaz.
Duhet përmendur se në vende të tjera sjellja e dhunshme e majmunëve ka shkaktuar viktima. Në Indi në majmun i alkoolizuar ka vrarë një person dhe ka plagosur 250 të tjerë pasi u tërbua kur i mbaroi furnizimi me pije. Majmuni i njohur me emrin Kalua ishte kafsha shtëpiake e një shtrigani, i cili i jepte të pinte pije alkoolike. Kur pronari i tij vdiq, kafsha nuk kishte më për të pirë dhe nisi të dilte rrugëve i tërbuar.
