Gjykata e Gjirokastrës ka miratuar masat e sigurisë për 10 persona të dyshuar për disa vepra penale, përfshirë prodhimin dhe shitjen e narkotikëve, organizimin e lojërave të fatit në kundërshtim me ligjin, përkrahjen e autorëve të krimeve dhe moskallëzimin e krimit.
Pas hetimeve, më 1 mars 2025, gjykata ka dhënë urdhër për masa sigurie ndaj të dyshuarve dhe kontrolle në një subjekt lokal.
Të martën, policia ekzekutoi masat ndaj disa prej të dyshuarve:
• “Arrest me burg” për B.H., M.A. dhe E.S.
• “Arrest në shtëpi” për I.A. dhe G.K.
• “Ndalim i daljes jashtë shtetit” dhe “Detyrim për paraqitje në policinë gjyqësore” për D.H. dhe DH.L.
Ndërkohë, tre persona me inicialet B.H., D.H. dhe E.P. janë shpallur në kërkim. Autoritetet vijojnë hetimet për zbardhjen e plotë të çështjes.
