Një grup i rëndësishëm kriminal ka rënë në prangat e policisë . Bëhet fjalë për shtatë shqiptarë të cilët kanë vjedhur mbi 100 apartamente në Francë gjatë tremujorit të fundit të vitit 2018.
Zona në të cilën shqiptarët kishin vjedhur ishte ajo e Nancy-t, ndërkohë që vlera e vjedhur shkon rreth 300 mijë euro, përfshirë këtu bizhuteritë, sendet me vlerë dhe kartmonedhat.
Operacioni për kapjen e shqiptarëve është zhvilluar në 23 prill në të dy shtetet, Francë dhe Shqipëri dhe kanë rënë në pranfa 4 anëtarë të familjes Kajtazi. Aktualisht në Francë është arrestuar drejtuesi i familjes dhe i biri ndodhen në paraburgim, ndërsa bashkëshortja e tij dhe nusja janë vendosur nën kontroll gjyqësor.
Ndërsa në Shqipëri janë ndaluar:ndaluan Besnik Fufi, Alfons Perloka dhe Aleks Marku.
Akuzat që rëndojnë mbi shtatë shqiptarët janë: “vjedhje”, “pastrim i produkteve të veprës penale” dhe “grup i strukturuar kriminal”.
Edhe pse ka më shumë se tre javë që është mbyllur operacioni për kapjen e tyre, vetëm ditën e djeshme është bërë i ditur.
Gjithashtu është bërë e ditur edhe mënyra sesi ata procedonin, ku sipas policisë veprimet ishin gati të ngjashme. Gjatë mbrëmjes, ata hynin në shtëpi të zbrazëta, banorët e të cilëve ishin ende në punë. Duke përforur forcë dhe mjetet ndihmëse, ato hapnin dyert apo dritaret dhe hynin brenda për të vjedhur bizhuteritë dhe të hollat.
Familja Kajtazi u siguronte Fufit, Perlokës dhe Markut banesën dhe mjetet për realizimin e vjedhjeve, ndërsa tre të tjerët pasi kryenin vjedhjet në Francë, riktheheshin në qytetin e tyre, në Laç, ku edhe dorëzonin sendet e grabitura.
Përveç vjedhjeve të kryera në Francë, shqiptarët dyshohet se e kanë shtrirë aktivitetin e tyre kriminal edhe në Belgjikë, Gjermani, Itali dhe Spanjë.
