Kryeministri i Kosovës, Albin Kurti ka thënë se ai nuk mund të kërkojë garanci nga Kroacia për ish-krerët e UÇK-së që janë duke u gjykuar në Hagë për krime lufte. Kurti ka thënë se problem qëndron se Kroacia nuk është një shtet i tretë. Kryeministri tha se ky ka qenë argumeni kryesor pse në vitin 2015 nuk duhej votuar amendamenti 24, pasi nëse gjykimi nuk bëhej në Kosovë, do bëhej në gjykatë ndërkombëtare. Garancia nga Kroacia nuk mund të kërkohet pasi nuk është shteti ai që është në gjyq dhe nuk i takon atij që të ndërmarrë këto hapa.
“Problemi me çështjen e garancisë është që Kosova nuk është shtet i tretë. Në Gushtin e 2015, argumenti kryesor pse duhej të votohet amendamenti 24 e që ne e kundërshtuam, ka qenë që nëse nuk e bëjmë ne, do të bëhet gjykatë ndërkombëtare. Ne e kemi ditur që nuk ishte ashtu. Ne e kishim të qartë që kjo Gjykatë nuk do të ishte krejtësisht jashtë Kosovës, por një këmbë jashtë e një këmbë brenda. Prandaj jemi në këtë situatë te pafavorshme, kur Kosovës me vendimin e gushtit i pamundësohet. Nuk mund të kërkojë unë garanci nga Kroacia. Ka një proces juridik. Ata që janë në burg. Nuk është shteti në gjyq. S’më takon mua që të marr këso hapash. Do të ishte gabim për shtetin”,- ka thënë Kurti.
