Hetuesit e Gjykatës Speciale të Hagës, kanë shtrirë hetimet edhe në Shqipëri duke marrë në pyetje ish-ushtarakë shqiptarë që iu bashkuan UÇK-ës.
Top Chanel ka raportuar se është dërguar një fletë-thirrje për tu intervistuar si person që ka dijeni rreth kë tyre hetimeve, Adem Shehut, ish-Komandant i Brigadës 153, të Zonës Operative të Llapit.
Prokurorët e Gjykatë s Speciale përmes një letër porosie dërguar Ministrisë së Drejtësisë më 14 Dhjetor 2020 kërkonin përcjelljen e fletë-thirrjes Adem Shehut për t’u intervistuar në Hagë.
Data e parashikuar e intervistimit është 28 Janari.
Një oficer i policisë gjyqësore më 15 Janar 2021 ia ka dorëzuar flet-thirrjen ish komandanti të UÇK-së .
Adem Shehu kërkohet të intervistohet për aktivitetin e tij si komandant i Brigadës 153 në luftimet e kryera në zonën e Gollakut pranë Prishtinës.
Christopher Bennett zëdhënë si i prokurorisë special në Hagë, deklaroi se “zyra e prokurorëve nuk mund të japë informacion për hetimet dhe individë specifikë që intervistohen sepse janë pjesë e hetimit”.
Adem Shehu është me origjinë nga Farka e Tiranës, dhe shërbente si oficer i reparteve kundërajrore që mbronin Tiranën, pas diplomimit në Shkollën e Lartë të Bashkuar të Oficerëve, në vitin 1980.
Në vendlindjen e tij, në Farkë, ai organizoi stërvitje luftarake të luftëtarëve, të cilët vinin nga Kosova, nga trojet etnike dhe nga vendet perëndimore. Grupet stë rvitore të cilat trajnoheshin pë r të shkuar më pas në front të UÇK-së , pë rbë heshin nga 25-30 veta.
Banesa e komandant Adem Shehut, u shndërrua në një qendër stërvitore, në një “akademi” ushtarake në Farkë.
Kur lufta nisi ai instruktonte drejtuesit e UÇK-së si të ulnin humbjet gjatë luftimeve. Më pas u largua drejt Kosovës dhe brenda një kohe të shkurtër u vendos në krye të brigadës 153 në zonën e Llapit.
Formacioni i tij kontrollonte një nga rrugët kryesore ku ushtria serbe mund të tërhiqej nga Kosova pas marrëveshjes së Rambujesë. Por për shkak të sulmeve efikase të shpeshta në formacione të vogla, ushtria serbe ndryshoi drejtim.
Zbatimi i taktikave luftarake që ishin baza e strategjisë së ushtrisë shqiptare, u bënë arsyeja e suksesit në luftime të brigadës që drejtonte Adem Shehu./Gazetareforma.com/
