Nuredin Dumani besohet se ka lidhje me ngjarjen që ndodhi rreth orëve të pasdites, ku në Elbasan, u gjet një mjet tip “BMW” i bërë shoshë nga plumbat, ku thuhet se ka ngelur edhe i plagosur. Në banesën në katin e fundit të një pallati në Fier, ku jetonte Dumani, u gjet në cilësinë e provës materiale edhe një kallashnikov.
Brenda mjetit u gjet gjithashtu 1.5 litra benzinë dhe një karikator i mbushur. Paraprakisht për këtë rast dyshohet se do të zhvillohej një krim, ndërsa është parandaluar pak para se të ndodhte. Vlen të përmendet se Dumani është një emër i njohur i drejtësisë. Ai dyshohet për vrasjen e vëllait të Talo Çelës, Bujar Çela, si dhe katër të rinjve në Durrës. Këto ngjarje kanë ndodhur në vitin 2020.
Ditën e sotme në orën 15:00 Gjykata e Elbasanit vendos masën e sigurisë për Nuredin Dumanin i cili akuzohet për të paktën 7 vrasje. Gjyqtarja e çështjes është Matilda Fetau, ndërsa prokurori Kreshnik Ajazi.
Dumani ndodhet në ambientet e spitalit të Traumës në Tiranë për shkak se ishte i plagosur dhe u detyrua të kryente një ndërhyrje kirurgjikale. Dumani ka marrë dy plumba si pasojë e armës së zjarrit, njërin në shpatull, dhe tjetrin në mushkëri. Mjekët që e kanë trajtuar në banesë i kanë thënë Dumanit, se duhej të merrte medoemos mjekim spitalor, për shkak të gjendjes së rëndë.
Policia e Elbasanit ka dhënë njoftimin zyrtar në lidhje me bluzat e bardha që u arrestuan, pasi i dhanë ndihmën mjekësore Nuredin Dumanit. Në mesin e të arrestuarve është dhe e dashura 20-vjeçare e Dimanit, e cila është me origjinë nga Kosova.
Flokë të gjata kaçurrel, me mjekër te prerë me formë. Duket se ky ishte “look-u” i ri që kishte zgjedhur Nuredin Dumani një nga më të kërkuarit e policisë, për t’i shpëtuar Drejtësisë.
