Ditën e sotme gjykata e Durrësit nuk ka konfirmuar mandatin 4 -vjeçar të Valbona Sakos në krye të Bashkisë.
Ky ka qenë një vendim i papritur, pasi ndryshe nga gjykatat e tjera të rretheve që i kanë vërtetuar mandatet e kryebashkiakëve të Partisë Socialiste, ajo e Durrësit nuk e ka dhënë vërtetimin për mandatin e kryebashkiakes që u zgjodh në 30 qershor, Valbona Sakos.
Valbona Sako ishte kandidatja e PS, e cila garoi kundër Valbona Sakollarit të Bindjes Demokratike.
Në vendimin e gjykatës thuhet se kandidatja e Bindjes Demokratike, në garë përballë Sakos, Valbona Sakollari, është regjistruar përtej afateve ligjore në garën për zgjedhjet vendore.
Nga ky vendim i Gjykatës së Shkallës së Parë pritet edhe vendimi i gjykatës së Apelit, i cili do të jetë i formës së prerë.
