U vendos sot masa e sigurisë për mjekun e njohur kardiolog. Gjykata Kundër Krimit të Organizuar dhe Korrupsionit ka pranuar kërkesën e Prokurorisë duke caktuar masën e sigurisë “arrest me burg” për Edvin Priftin.
Në seancën gjyqësore, ai u shpreh se kërkesa e prokurorisë “është e habitshme, kam operuar mijëra shqiptarë dhe kam shpëtuar jetë”.
Kujtojmë se se Prokuria e Posaçme kundër krimit të organizuar dhe korrupsonit, SPAK kërkoi mëngjesin e sotëm masën “arrest me burg” për mjekun Prifti.
Pezullimi I mjekut nga detyra erdhi pasi u përmend në përgjimet e SPAK për Gjykatën e Krujës. Në bisedat telefonike të publikuara, Prifti u kapur duke biseduar me Manuela Mallakuçi, për një operacion që nëna e saj do të kryente, të cilës I kërkoi dhe 2000 euro.
Më pas policia në kontrollin e banesës dhe të zyrës, i gjetën mjekut dhe 250 mijë euro në shtëpi dhe 16 milionë lekë në zyrë, të cilat I sekuestroi.
Sipas avokatit dhe vetë mjekut ato para janë shumë lehtë të vërtetueshme, pasi ka vite në profesion dhe ka fituar çmime të shumta ndërkombëtare.
“Gjithmonë do them të vërtetën. S’kam fshehur asnjë gjë. Punoj privat dhe shtet. U befasova nga Prokuroria që kërkoi burg, kam operuar mijëra shqiptarë”, shton ai më tej.”, mësohet të ketë thënë mjeku.
