Gjykata e Tiranës pranon pjesërisht kërkesën e prokurorisë. Për të katërta ka vendosur 45 ditë arrest me burg. Një nga infermieret Sidorela Çela ka shpërthyer në lot duke thënë se ka dy fëmijë të mitur.
Më herët Prokuroria ka kërkuar burg për Sheqerije Koçi, Mira Bushi dhe Sidorela Çela të cilat akuzohen si se kanë bashkëpunuar me Tire Alldervishaj për t’u marrë para familjarëve të pacientëve me Covid-19. Burg është kërkuar dhe për sanitaren Rukije Hoxhaj.
Kujtojmë që dy ditë ma parë janë arrestuar katër persona që ndanin lekët me Tiren, 3 infermiere dhe një sanitare. Bëhet fjalë për Mira Bushi, Sheqerije Koci, Sidorela Çela edhe sanitarja Rukije Hoxhaj. Këto emra kanë dalë nga telefoni i Tire Alldervishaj dhe pas hetimit të mesazheve që sanitarja ka shkëmbyer me këto punonjëse, është zbuluar se kanë bashkëpunuar për t’u marrë para familjarëve të pacientëve në spitalin “Shefqet Ndroqi”.
Për herë të parë ngjarja u publikua në emisionin investigative “Stop” në TV Klan.Bëhej fjalë për disa mesazhe të pacientes që humbi jetën te sanatoriumi, ku i lutej dhe përgjërohej sanitares Tuire Alldervishi që ti jeptë bukë dhe ujë.
Pas publikimit të rastit, Tirja u arrestua nga policia, pasi mbi të rëndonin akuzat e zhvatjes së milionë lekëve të vjetra nga pacientja që ndërroi jetë.
