Avokati Genc Gjokutaj komentoi paraqitjen e kryebashkiakut të Tiranës, Erion Veliaj, për herë të dytë në SPAK, duke theksuar se ai po kalon një periudhë turbulente që mund ta përballojë keq.
Në një intervistë me Flavio Qarrin, Gjokutaj theksoi se Veliaj nuk është më i fortë politikisht, pasi ka humbur mbështetje të rëndësishme.
“Një Veliaj i fortë politikisht nuk mund ta ketë këtë situatë, ku nuk ka as mbështetje nga Rama dhe përveç kësaj, ka humbur edhe gradat politike,” tha Gjokutaj, duke iu referuar humbjes së mbështetjes së kryeministrit. Ai e konsideroi këtë si një “degradim politik” për Veliajn.
Avokati theksoi se përveç humbjes së mbështetjes nga Rama, Veliaj ndodhet në një situatë më të vështirë për shkak të afrimit të fushatës elektorale.
“Një turbulencë kaq e madhe mund të shkaktojë rënien e tij politikisht,” përfundoi Gjokutaj.
