Gjatë protestës së zhvilluar sot para Bashkisë së Tiranës, avokati Genc Gjokutaj e ka akuzuar kryebashkiakun Erion Veliaj për korrupsion masiv. Gjokutaj tha se Veliaj dhe grupi i tij janë përfshirë në çdo aspekt të jetës së qytetarëve të Tiranës, duke përfshirë ujin, taksat dhe fondet e bashkisë. “Erion Veliaj dhe banda e tij kanë hyrë në çdo shtëpi, kanë hyrë te uji, kanë hyrë te taksat, kanë hyrë në jetën tonë,” u shpreh ai gjatë protestës.
Avokati i bëri gjithashtu thirrje Policisë së Shtetit që të mos mbrojnë atë që ai e quajti një “hajdut”. “Ju jeni Policia e Shtetit për të mbrojtur ligjin, sot ju po mbroni një hajdut dhe kjo është e pafalshme dhe e pamoralshme,” tha Gjokutaj. Ai shtoi se lufta për të marrë Tiranën është pjesë e një luftë më të madhe për të marrë të gjithë Shqipërinë dhe se ata nuk do të dorëzohen. “Do të marim hekurin, do ta shkrijmë dhe do ti bëjmë pranga për Erion Veliajn që ti ketë në duar, siç ka në ballë vulën e korrupsionit,” përfundoi ai.
