Avokati i Ilir Metës, Genc Gjokutaj, ka paraqitur një kërkesë në Gjykatën e Lartë për ndryshimin e masës së sigurisë për ish-presidentin, i cili u arrestua më 21 tetor.
Gjokutaj ka theksuar se vendimi ndaj liderit të Partisë së Lirisë është politik dhe se, sipas tij, nuk ekzistojnë kushte apo kritere për të mbajtur Ilir Metën në burg.
“Dorëzova rekurs për ndryshimin e masës ndaj Ilir Metës. Meta është thirrur dhe ka dhënë sqarime, nuk po i shmanget. Nëse do të lindë nevoja do t’i drejtohemi Strasburgut. Vendimi ndaj Ilir Metës është politik, kemi Gjykatë Antikushtetuese. Nuk ka kushte dhe kritere që Ilir Meta të qëndrojë në burg.”
