Nëse një qytetar i thjeshtë shkel rregullat e vendosura gjatë pandemisë me shumë mundësi do të gjobitet. Nëse dilni pas maskë, nëse mblidheni diku me shumë njerëz, nëse ndonjëherë nuk respektoni distancën me siguri pas jush do të jetë një polic që t’ju kujtojë se po kryeni një veprim të gabuar. Por nuk është kështu për të gjithë. Njerëzit që kanë miqësi të forta me pushtetin apo poste të rehatshme në adimistratë, do e hedhin me një justifikim.
Java e fundit na ka provuar se jo të gjithë jemi të barabartë para ligjit dhe disa shpëtojnë pa u ndëshkuar nëse e shkelin atë.
Raste të tilla kanë qenë ato të Ermal Mamaqit dhe zv/ministres së Shëndetësisë, Mira Rakacolli. Kjo e fundit pak ditë më parë u shfaq në një takim partie në një ambient të mbyllur ku ishin të pranishëm më shuëm se 10 persona dhe pa maska. Pasi nuk tentoi ta komentonte këtë qëndrim të sajin për ditë me radhë, ditën e sotme ajo mjaftoi me një justifikim që as më naivët nuk e besojnë.
“Për pyetjen e parë, flm që ma bëre, ishte incident i izoluar. Ju e patë që s’janë më shumë se 14 vetë. Fotoja është bërë në fund të një takimi. Por normalisht që gjersa ishte një foto, s’ka më çfarë të shpjegohet.”- u shpreh Rakacolli. Sipas zv/ministers është normale që të jesh në një takim ku nuk janë më shumë se 14 persona në një kohë pandemie e për më tepër as nuk ndihet e detyruar të japë shpjegime.
Ndërkohë, anëtarja tjetër e Komitetit Teknik të Ekspertëve, Silva Bino në një deklaratë më herët ishte shprehur se nëse Rakacolli ka shkelur rregullat ajo duhet të gjobitet si gjithë të tjerët.
Por edhe më imun ndaj ligjit është Ermal Mamaqi, mik i kryeministrit, kryetarit të Bashkisë dhe oligarkut Samir Mane. Tashmë në fushën e biznesit, Mamaqi ka zhvilluar trajnime me dhjetra të rinj në salla të mbyllura kinemashë. Në këto trajnime, Ermali mëson njerëzit sit ë bëhen të pasur kundrejt një pagese prej 50 mijë eurosh në vit. Pa asnjë detaj për rastin në fjalë ka qenë Rakacolli ajo që ka thënë se ka dijeni se Ermal Mamaqi është gjobitur.
“Lidhur me aktivitetin e Ermal Mamaqit, në dijeninë time policia ka vendosur gjoba“
https://www.facebook.com/watch/?ref=saved&v=406958950601030
Por a mjafton kjo?
Pikë së pari Ermal Mamaqi as nuk duhej lejuar t’i mbante ato takime. Dhe e dyta, të gjithë ne jemi aq mosbesues ndaj kësaj gjobe sa duhet ta shohim faturën me sytë tanë
“Të gjitha kafshët janë të barabarta, por disa janë më të barabarta se të tjerat.”- do të shkruante Orwell-i në “Fermën e Kafshëve”, sikur të fliste pikërisht për distopinë ku jetojmë sot.
