GJKKO ka lëshuar gjashtë urdhër-kontrolle në Shkodër, të cilat janë fokusuar ndaj anëtarëve të shtabeve elektorale të Partisë Socialdemokrate, që drejtohet nga deputeti Tom Doshi.
Gjatë operacionit, autoritetet kanë sekuestruar disa aparate celularë dhe kanë ushtruar kontroll edhe mbi automjetet e disa prej të dyshuarve.
Një nga personat e përfshirë në hetim ka refuzuar të bashkëpunojë me hetuesit dhe për pasojë është shoqëruar në komisariat për vijimin e procedurave të mëtejshme.
Veprimet hetimore po zhvillohen në kuadër të dyshimeve për ndërhyrje të paligjshme në procesin zgjedhor, në prag të votimeve të 11 majit.
Deri në këtë moment, nuk ka ende një reagim zyrtar nga Partia Socialdemokrate apo përfaqësuesit e saj.
