Ditën e sotme GJKKO la në fuqi masën e sigurisë ‘arrest me burg’ për ish-kryetarin e bashkisë së Kukësit Safet Gjici.
Bëhet me dije se në sallën e gjyqit Gjici është shprehur se nuk ka kryer asnjë vepër penale. “S’ka asnjë procedurë të nisur për tender apo praktikë, skam bërë asgjë. U ndëshkova për atë gabim që bëra. E mora dënimin për atë veprim të turpshëm, rashë në kurth”, mësohet të jetë shprehur Gjici.
Ndërkohë, kjo gjykatë vendosi për Alma Kaçin, vajzën që shfaqet nëe video duke kryer marrëdhënie intime me Gjicin, arrestin e shtëpisë.
Sakaq avokatja e Kaçit ka thënë se ka kërkuar detyrim paraqitje për klienten e saj, pasi ka fëmijë dhe nënën e sëmurë, për të cilët duhet të kujdeset.
Gjykata e Posaçme ka miratuar vendimin duke lënë në fuqi kërkesën e SPAK. Safet Gjici u arrestua ditën e shtunë në një lokal pranë banesës së tij në Tiranë.
Ai akuzohet për veprën penale “korrupsion pasiv”, ndërsa Kaçi për “korrupsion aktiv”.
Video-skandali u publikua më datë 16 qershor, ku Gjici shfaqej duke kryer marrëdhënie intime me Kaçin. Pas aktit seksual flasin për një tender për qentë e rrugëve dhe autorizon nënkryetarin e bashkisë të lidhë marrëveshje me të nën emrin e Bashkisë së Kukësit. Disa orë pas publikimit, Gjici reagoi në rrjete sociale duke dhënë dorëheqjen nga posti i tij.
