Heiko Maas, Ministri i Jashtëm gjerman, bëri thirrje Kosovës të martën, që të anullojë ose të pezullojë tarifën prej 100% ndaj mallrave serbe.
Ai, gjatë një takimi në Paris për parandalimin e përhapjes së armëve të lehta nga Ballkani, e cilësoi si keqardhje tërheqjen e përfaqësuesve të pakicës serbe nga institucionet e qeverisjes në veriun e Kosovës. Tensionet ndërmjet Kosovës dhe Serbisë u shtuan gjatë muajve të fundit, pasi Beogradi bllokoi anëtarësimin e Kosovës në Interpol.
“Përshkallëzimi i mëtejshëm duhet të parandalohet në mënyrë emergjente dhe duhet të ruhet suksesi i bisedimeve për normalizimin e marrëdhënieve”, tha ai.
Ndërsa Kosova, tarifat prej 100 % ndaj mallrave serbe të cilat i vendosi më 21 nëntor, sfidoi thirrjet nga Bashkimi Europian dhe Shtetet e Bashkuara për tërheqjen e tyre dhe tha se nuk do t’i anulojë për sa kohë që Serbia nuk e njeh Kosovën.
