Ukraina ka më shumë se 3 muaj që po bën rezistencë kundrejt sulmeve ruse, të cilat janë mizore. Në mbrojtjen e vendit të saj, Ukraina ka pasur nevojë vazhdimisht për pajisje luftarake dhe armë.
Ndërkohë që një pjesë e mirë e vendeve europian i kanë ardhur në ndihmë duke dërguar municione luftarake në Ukrainë, mesa duket nuk është e kënaqur me “lëmoshën” që i ka ofruar Gjermania.
Gjermania, është një nga ato vende që është akuzuar nga lidershipi ukrainas si jo favorizuese dhe ndihmat e sanksionet e tyre vendosur ndaj rusëve janë cilësuar si të pa mjaftueshme. Së fundmi, një qeveritar ukrainas, i ka dërguar një mesazh ironizues ambasadorit gjerman në Kirev, Andriy Melnyk.
Ai i ka dërguar foton e një kërmilli, që mbante mbi guaskë një plumb dhe i shkruan: “Këto janë armët që ju na sollët”.
Qeveritari kërkon më tej më shumë armë dhe mbështetje nga vendi i drejtuar nga Olaf Scholz. Ndërkohë ambasadori gjerman ka shprehur hapur mbështetjen për Ukrainën. Ai shkruan në “Tëitter” se Rusia nuk do e fitojë luftën, shkruan TGCOM.
Kujtojmë që administrata Biden po diskuton dërgimin e mundshëm të forcave të operacioneve speciale (SOF) në Ukrainë për të ndihmuar në ruajtjen e Ambasadës së SHBA në Kiev, sipas disa zyrtarëve amerikanë. Ideja e përdorimit të SOF është në faza shumë paraprake dhe ende nuk i është paraqitur presidentit Joe Biden për një vendim, raporton CNN.
